Ардагерлерге құрмет – қоғам міндеті

Бүгін «AMANAT» партиясының «Ардагерлерді ардақтайық» жобасы аясында «Көлік» бастауыш партия ұйымына қарасты «Қазалы теміржол ауруханасы» топтық ұйымының мүшелері ауданымыздағы ардагерлердің үйлеріне арнайы барып, тегін медициналық көмек көрсетті.

Игі шара барысында денсаулық сақтау саласының білікті мамандары қариялардың қан қысымын өлшеп, жүрек қағысын тексеріп, алғашқы медициналық бақылау жүргізді. Сонымен қатар, мамандар әрбір ардагерге жеке-жеке денсаулыққа қатысты қажетті кеңестер мен ұсыныстар беріп, денсаулықты сақтау жолдарын түсіндірді.

Бұл бастама аясында ардагерлермен жылы әңгіме өрбіп, олардың өмірлік тәжірибесіне құрмет көрсетілді. Қариялар осындай тұрақты түрде ұйымдастырылып келе жатқан игі шараларға ризашылықтарын білдіріп, партия мүшелеріне шынайы алғыстарын жеткізді.

#AMANAT

#БПҰ