Миллиондар зейнетақыдан қағылып жатыр: Қазақстанда әр үшінші адам көлеңкеде жұмыс істейді
Яғни, олармен еңбек шарты жасалмайды, жалақыны “қолма-қол” алады, ал болашақта зейнетақы ала алмау қаупі бар.
Фото: Pixabay
Фото: PixabayҚазақстанда 2024 жылы жұмыс істеп жүрген адамдардың 30 пайызы зейнетақы қорына ақша аудармайды, деп хабарлайды Skifnews.kz ақпарат порталы.
Бұл – заңсыз жұмыс істейтіндер көбейіп жатыр деген сөз. Яғни, олармен еңбек шарты жасалмайды, жалақыны “қолма-қол” алады, ал болашақта зейнетақы ала алмау қаупі бар.
Бұл туралы Еңбек және халықты әлеуметтік қорғау вице-министрі Асқар Бияхметов Үкімет отырысында мәлімдеді.
Оның айтуынша, елдегі жұмыссыздық деңгейі – 4,6 пайыз. Қазір 7,1 миллион адам жалдамалы қызметкер ретінде жұмыс істейді. Тағы 2,1 миллион адам жеке кәсіппен айналысады. Алайда кейбір салаларда еңбек заңдары сақталмайды. Сол себепті көптеген адам ресми түрде тіркелмей жұмыс істеп жүр.
Үкімет бұл мәселені шешуді көздеп отыр, өйткені миллиондаған қазақстандық болашақта зейнетақысыз қалуы мүмкін.
