Қытай қалай көбеймек? Үш жасқа дейін әр балаға 500 доллар төленеді
Фото: pixabay.comҚытай туу көрсеткішін арттыру үшін жылына бір балаға 500 доллар төлей бастайды, деп хабарлайды BAQ.KZ РБК-ға сілтеме жасап.
Қытай үкіметі үш жасқа дейінгі әрбір балаға жыл сайын 3600 юань (шамамен 500 доллар) көлемінде төлем енгізеді. Бұл шара бала тууды ынталандыруға және жас отбасыларды қолдауға бағытталған.
Субсидиялар 2022-2024 жылдар аралығында балалары дүниеге келген отбасыларға берілетіні хабарланды. Жыл сайын төлемдерді 20 миллионға жуық отбасы пайдалана алады деп болжануда. Бұл сома жеке тұтыну ауқымында мардымсыз деп есептелсе де, экономистер бұл бастаманы маңызды қадам деп атайды.
Бұған дейін Қытайда ондаған жылдар бойы "бір отбасы – бір бала" тууды бақылау саясаты болған. 2015 жылы ол жойылды, бірақ соңғы жылдары елде демографиялық құлдырау болды. 2024 жылы жаңа туған нәрестелер саны 9,5 миллион адамды құрады – 2017 жылмен салыстырғанда шамамен екі есе көп. Көрсеткіш алғаш рет өлім-жітім деңгейінен (10,9 миллион адам) төмен болды, бұл халық санының төмендеуіне әкелді.
