Елді мекендерде газдандыру жұмысы жүргізілуде
Қазалы ауданында 2024 жылы Абай және Ақтан батыр ауылдары көгілдір отынға қосылса, бүгінде Жанқожа батыр, Бекарыстан би, Майдакөл және Ү.Түктібаев елді мекендеріне магистральды газ құбырын тарту жұмыстары жүргізілуде. Биыл аталған елді мекендерді көгілдір отынға қосу жоспарланып отыр.Бұдан бөлек, бүгінде Ақсуат, Байқожа, Өркендеу, Бірлік және Қожабақы ауылдарына газ жеткізу үшін жоба-сметалық құжаттары әзірленіп, қаржыландыру үшін тиісті министрлікке жолданды.
