Сот кабинеті ақпараттық сервисі туралы
Фото: ашық дереккөзден алындыЦифрлық трансформация заманы сот жүйесін де айналыпөтпеді. Қазіргі таңда Қазақстан Республикасында сот ісін жүргізудің ашықтығын арттыру және азаматтар мен заңды тұлғалардың құқықтарын тиімді қорғау мақсатында түрлі электрондық сервистер енгізілуде. Солардың бірі – «Сот кабинеті» ақпараттық сервисі.
«Сот кабинеті» – Қазақстан Республикасы Жоғарғы Сотының әзірлеген онлайн сервисі. Бұл платформа азаматтарға, заңгерлерге, адвокаттарға және мемлекеттік органдарға сот процестеріне қатысу үшін қажетті құжаттарды электрондық түрде жіберуге, істердің жай-күйін бақылауға, сот отырыстарының кестесін көруге мүмкіндік береді.
Сервис www.sud.kz сайтында орналасқан және тәулік бойы қолжетімді.
Электрондық өтініштерді жолдау: талап-арыз, шағым, өтініш және басқа да процессуалдық құжаттарды онлайн жіберуге болады;
Іс жүргізу материалдарын қадағалау: сот істерінің қозғалысы, сот актілері мен отырыс нәтижелері туралы мәліметтерді алу;
Сот отырыстарының кестесін көру: азаматтар мен заңгерлер өз істері бойынша сот отырысының күнін, уақытын және орнын бақылап отыра алады;
Хабарламаларалу: соттан келген ресми хабарламалар мен шақыруларды электрондық пошта немесе SMS арқылы алу;
Қолтаңба арқылы растау: электрондық цифрлық қолтаңба (ЭЦҚ) арқылы құжаттарға қол қою мүмкіндігі.
Уақыт үнемдеу: сотқа барып, құжат тапсыру қажеттілігі жойылады;
Қолжетімділік: интернеті бар кез келген жерден жүйеге кіруге болады;
Ашықтық: істердің барысы мен нәтижелері туралы толық және нақты ақпарат;
Қауіпсіздік: ЭЦҚ арқылы расталатындықтан, құжаттардың түпнұсқалығы мен қауіпсіздігі қамтамасыз етіледі.
«Сот кабинеті» – Қазақстандағы сот жүйесінің ашықтығы мен тиімділігін арттыруға бағытталған маңызды қадам. Бұл сервис азаматтар мен заңгерлердің уақытын үнемдеп қана қоймай, сот процестерінің цифрлануына серпін береді. Алдағы уақытта бұл жүйе одан әрі дамып, жаңа мүмкіндіктермен толықтырылады деп күтілуде.
Гүлнұр БАЙМАХАНОВА,
Қазалы аудандық соты әкімшісінің бас маманы
