Суға шомылу маусымы бақылауда
Жаз мезгіліндегі суға шомылу маусымына байланысты тұрғындардың қауіпсіздігін қамтамасыз ету мақсатында аудандық партия филиалы аудандық төтенше жағдайлар бөлімімен бірлесе аудан көлемінде арнайы мониторинг жұмыстарын жүргізді.Іс-шараға партия филиалының Атқарушы хатшысы Нұриғса Жалғасбаев, аудандық мәслихат депутаты Күншығар Әбілов, аудандық төтенше жағдайлар бөлімінің бастығы Алтынбек Қалиев және бөлім қызметкерлері қатысты.
Мониторинг жұмыстары саптық жиыннан басталды. Онда төтенше жағдайлар бөлімінің басшысы рейдтің негізгі мақсатына тоқталып, жазғы маусымда суға шомылу кезінде сақтық шараларын сақтау тұрғындар өмірі мен денсаулығы үшін аса маңызды екенін айтты. Сонымен қатар, су айдындарында орын алуы мүмкін төтенше жағдайлардың алдын алу үшін жүйелі бақылау мен қоғамдық жауапкершіліктің маңызын атап өтті.
Бұдан кейін жұмыс тобы кент, қала және ауылдық округтер маңындағы бірқатар су арналары мен каналдарды аралап, суға шомылуға рұқсат етілмеген, қауіпті саналатын аймақтарға мониторинг жүргізді. Қауіп төндіруі мүмкін жерлер анықталып, ескерту белгілерін орнату, тұрғындарға ақпараттық-түсіндіру жұмыстарын жандандыру бойынша нақты ұсыныстар берілді.
#AMANAT
