Универсиада ойындарында күресетін Қазақстан дзюдошылары анықталды
Фото: ҚР дзюдо федерациясыГерманияның Рейн-Рур аймағында XXXII Дүниежүзілік Универсиада ойындары басталады, деп хабарлайды El.kz интернет порталы.
Аталған додада дзюдо бойынша жарыстар 23-25 шілде күндері өтеді. Үш күнге созылған жарысқа 60 елден 392 татами шебері тіркелген. Дүниежүзілік Универсиада ойындарында ел намысын 13 дзюдошы қорғамақ.
60 кг: Бақытжан Аман
66 кг: Нұрқанат Серікбаев
73 кг: Дархан Қойбағар
81 кг: Азат Күмісбай
90 кг: Айдар Арапов
100 кг: Байтас Бағжан
+100 кг: Жантілек Нұртілепұлы
48 кг: Диана Буркеева
52 кг: Құндыз Жылқыбай
57 кг: Дина Мұханбет
63 кг: Самалай Ерғалиева
70 кг: Кристина Сотникова
+78 кг: Ақерке Рамазанова.
Шілде айының басында Алматыда дзюдо төрешілеріне арналған халықаралық семинар өтті. Сондай-ақ, 3–6 шілде аралығында Алматыда Бекет Махмұтовты еске алуға арналған кадеттер мен жастар арасындағы Азия кубогы өтті.
