Биткоин бағасы рекорд орнатты
Фото: istockphoto.comКриптовалюта тарихта алғаш рет 113 мың доллардан асты, деп хабарлайды turkystan.kz.
Binance биржасындағы сауда деректеріне сәйкес, Астана уақытымен 23:00-де криптовалютаның құны 113 778 мың долларды құрады.
Биткойнға қолдау көрсетіп отырған фактор – АҚШ президенті Дональд Трамп әкімшілігінің саясаты. Truth Social желісінің иесі Trump Media & Technology Group компаниясы биткойнға инвестиция салатын криптовалюта ETF қорын іске қосуды жоспарлап отыр.
Жыл басынан бері биткойн бағасы 19%-ға өсті, ал соңғы бір жылда екі есеге жуық артты.
Professional Capital Management инвестициялық компаниясының басшысы Энтони Помплиано биткойнның тәуекел мен табыс арақатынасы жағынан теңдесі жоқ екенін айтты.
"Бұл активпен ештеңе теңесе алмайды", – деп жазды ол X әлеуметтік желісінде.
2024 жылғы 5 желтоқсанда биткойн бағасы тарихта алғаш рет 100 000 доллардан асқан болатын.
