Трамп Қазақстанның барлық тауарына 25% баж енгізді
Фото: istockphoto.comАҚШ президенті Дональд Трамп Қазақстан, Жапония, Оңтүстік Корея және Малайзиядан келетін барлық тауарға 25% көлемінде тариф енгізетінін жариялады, деп хабарлайды turkystan.kz.
Оңтүстік Африка Республикасынан келетін импортқа 30%, ал Вьетнам, Лаос және Мьянмадан келетін тауарларға 40% көлемінде тариф енгізіледі.
АҚШ президенті осы елдердің басшылығына жолдаған бірдей мәтіндегі хаттарды TRUTH Social әлеуметтік желісінде жариялады.
«Бізде Қазақстанмен сауда қатынастарымызды талқылауға бірнеше жыл болды және осы уақыт ішінде біз тарифтік және бейтарафтық саясат пен сауда кедергілері салдарынан қалыптасқан ұзақмерзімді әрі тұрақты сауда тапшылықтарынан бас тартуымыз қажет деген қорытындыға келдік. Өкінішке қарай, біздің қатынастарымыз өзара тең дәрежеде емес. 2025 жылдың 1 тамызынан бастап, біз Қазақстаннан АҚШ-қа келетін барлық тауарларға, салалық тарифтерден бөлек, 25% көлемінде тариф енгіземіз. Жоғары тарифтерден жалтару мақсатында транзитпен әкелінген тауарлар да осы жоғары тарифпен салықтанатын болады», – делінген Трамптың Қасым-Жомарт Тоқаевқа жолдаған хатында.
Хабарламада атап өтілгендей, бұл баж АҚШ аумағында тауар өндіретін компанияларға қатысты болмайды.
