Еліміздің үш қаласында қолайсыз метеорологиялық жағдай сақталады
«Қазгидромет» РМК Қазақстан қалаларындағы ауа сапасына қатысты болжамын жариялады.
Фото: Pixabay.com— 2025 жылғы 1 шілдеде қолайсыз метеорологиялық жағдайлар Алматы, Ақтөбе, түнде Астана қалаларында күтіледі, — делінген хабарламада.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
Бұдан бұрын ауа сапасы нашарлаған қалалар саны күрт артқанын жаздық.
kaz.inform.kz
