Суды қашан және қалай ішу керек? Маман жауабы

Фото: depositphotos.com
Суды қашан және қалай ішу керек? Бұл сұраққа FitStars фитнес-жаттықтырушысы, биомеханика маманы және "ақылды фитнес" идеясын қолдаушы Виктория Вакулина жауап берді, - деп хабарлайды Massaget.kz doctorpiter.ru-ға сілтеме жасап. 
Қанша су ішу керек?
Көбіне 1 келі салмаққа 30–40 мл су. Яғни, сіздің салмағыңыз 60 келі болса, тәулігіне 1,8–2,4 литр су ішу ұсынылады. Бірақ шын мәнінде бұған әсер ететін факторлар бар:

• ауа райы (ыстық күндері көбірек қажет),
• дене белсенділігі (жаттығу, қозғалыс),
• тағам (тұзы, ақуызы немесе кофесі көп тағамдар),
• денсаулық жағдайы.

Ең дұрыс әдіс - ағзаны тыңдау. 
Басқа белгілер:

• зәрдің күңгірт болcа, демек сұйықтық аз,
• әлсіздік немесе бас ауырса, ағзаға су жетіспеу белгісі болуы мүмкін.

Ағзаға су жетіспейтінін қалай түсінуге болады?

• Ауыздың немесе еріннің кебуі;
• Бас айналу, зейіннің шашырауы;
• Тез шаршау;
• Бас ауруы.

"Су ішсем, ісіп кетемін" деген рас па?
Бұл - жиі кездесетін қорқыныш. Бірақ ісіну судан емес, тұздың шамадан тыс болуынан, созылмалы стрестен, қозғалыстың аздығынан, тамырлар мен гормондарға байланысты мәселелерден болады.