Қазақстандық оқушылар Балқан олимпиадасында ең үздік атанды
Фото: оқу-ағарту министрлігіҚазақстандық төрт оқушы Солтүстік Македонияда жасөспірімдерге арналған Балқан математикалық олимпиадасында ең үздік атанды.
"Қазақстан құрамасы жарысқа қатысу тарихындағы ең үздік нәтижесін көрсетіп, төрт алтын, бір күміс және бір қола медаль жеңіп алды. Командалық есепте 24 ел қатысушылары арасында екінші орынды иеленді", - дейді оқу-ағарту министрлігі.
Жеңімпаздар 9-шы сынып оқушылары - Ануар Ағыбаев, Жәңгір Болат, Батырхан Бейғанов, Нұртай Мәлік, Мирас Кеңесбек.
Айта кету керек, JBMO – 16 жасқа дейінгі оқушыларға арналған беделді халықаралық олимпиада. Қатысушы елдердің қатарында Албания, Болгария, Грекия, Румыния, Сербия және басқа да мемлекеттер бар.
Қазақстан бұл додаға 2004 жылдан бері қатысып келеді және дәстүрлі түрде үздіктер қатарында. Өткен жылы Түркияда өткен олимпиадада команда 6 медаль жеңіп алған болатын.
