Бүгін кей өңірде жаңбыр жауса, кей өңірде қатты ыстық болады
Photo by Lhar Capili on UnsplashСиноптиктер 29 маусымға арналған ауа райы болжамын жариялады, деп хабарлайды Аlmaty.tv «Қазгидромет» РМК баспасөз қызметіне сілтеме жасап.
«Қазақстан аумағында ауа райының тұрақсыз сипаты сақталады: жаңбыр жауып, найзағай ойнайды, еліміздің солтүстігінде, солтүстік-батысында, орталығында қатты жаңбыр жауады, жекелеген аудандарда бұршақ жаууы мүмкін», - делінген хабарламада.
Республика бойынша жел күшейеді, оңтүстігінде шаңды дауыл болады.
Алматы облысының оңтүстігінде, батысында, Ақмола облысының солтүстік-батысында, Жамбыл облысының шығысында, Атырау облысының оңтүстігінде, Маңғыстау облысының солтүстік-батысында, оңтүстік-батысында, орталығында жоғары өрт қаупі болады.
Жамбыл, Қызылорда, Түркістан облыстарында, Алматы облысының солтүстігінде, орталығында, Қарағанды облысының батысында, шығысында, орталығында, Актөбе облысының орталығында, Қостанай облысының оңтүстігінде, Жетісу облысының солтүстігінде, оңтүстік-шығысында, орталығында, Абай облысының оңтүстігінде төтенше өрт қаупі болады.
Астанада құбылмалы бұлтты болады. Кей жерлерде жаңбыр жауып, найзағай ойнап, бұршақ жаууы мүмкін. Солтүстік-батыстан 9-14 м/с жылдамдықпен жел соғады. Ауа температурасы түнде +14...+16°C, күндіз +20...+22°C болады.
Алматыда аспан ала бұлтты, жауын-шашын болмайды. Жеңіл жел – 3-8 м/с. Температурафоны: түнде +18...+20°C, күндіз ауа температурасы +31...+33°C дейін ыстық болады.
Шымкентте құбылмалы бұлтты, жауын-шашынсыз. Орташа жел – 8-13 м/с, екпіні 15-20 м/с. Ауа температурасы түнде +16...+18°C, күндіз +31...+33°C дейін ыстық болады.
