Еліміздің көптеген аймағында найзағай, дауыл күтіледі
Синоптиктердің болжамынша, еліміздің көптеген аймақтарында найзағай, бұршақ, дауыл, шаңды дауыл және өрт қаупінің жоғары деңгейі күтіледі.Фото: Pixabay
"Қазгидромет" РМК ертең, 28 маусым күні Қазақстанның 17 облысында дауылды ескерту жариялады, деп хабарлайды Skifnews.kz ақпарат порталы.
Синоптиктердің болжамынша, еліміздің көптеген аймақтарында найзағай, бұршақ, дауыл, шаңды дауыл және өрт қаупінің жоғары деңгейі күтіледі. Көптеген өңірлерде жел екпіні секундына 15–28 метрге дейін жетуі мүмкін.
Батыс Қазақстан, Ақтөбе, Қарағанды, Ұлытау, Абай, Шығыс Қазақстан, Солтүстік Қазақстан және Қостанай облыстарында найзағай мен бұршақ болады деп болжануда. Кей аймақтарда тұман түсіп, қатты жаңбыр жаууы мүмкін.
Қызылорда, Түркістан және Маңғыстау облыстарында шаңды дауылдар күтіледі. Сонымен қатар, Жетісу, Алматы, Жамбыл, Павлодар және Ақмола облыстарының бірқатар аудандарында төтенше жоғары өрт қаупі сақталады.
Метеорологтар Орал, Ақтөбе, Тараз, Шымкент, Қызылорда, Қонаев, Көкшетау, Петропавл, Өскемен, Жезқазған және Семей қалаларында ауа райының күрт құбылуын ескертеді. Жаңбырмен қатар екпінді жел мен бұршақ жаууы мүмкін.
Төтенше жағдайлар қызметі мен синоптиктер тұрғындарды сақ болуға, ауа райын ескеріп жоспар құруға шақырады.
