Спорт күні - сергектік мерекесі
Елімізде жыл сайын тамыз айының үшінші жексенбісінде Спортшылар мерекесін атап өту игі дәстүрге айналған. Осыған орай, Әйтеке би кентіндегі Жалаңтөс баһадүр атындағы орталық стадионда аудан әкімі Мұрат Ергешбаевтың қатысуымен салтантты жиын өтті.Мерекелік шарада туған жеріміздің бұқаралық спортын дамытып, талантты жеткіншектердің айтулы додаларда биіктерден көруіне күш-қайратын салып жүрген жаттықтырушылар мен саңлақтар марапатталды.
Мұнымен қатар, оларға демеушілік жасап жүрген бір топ азаматтарды Мұрат Нәлхожаұлы мерекесімен құттықтап, «Алғыс хаттар» табыстады.
Айта кетерлігі, жасөспірімдердің жазғы демалыс уақытын тиімді пайдалану мақсатында футболдан көше командалары арасында «Бәріміз футболға» атты ұранмен аудан әкімінің ауыспалы кубогына арналған жарыс өткізілген болатын.
Осы бәйгеде жеңімпаз атанған жүлдегер командаларды аудандық футбол федерациясының президенті Ф.Қожабергенов номинациялар бойынша марапаттады.
Спортсүйер қауымды және спортшыларды аудандық дене шынықтыру және спорт бөлімінің басшысы Н.Есбосынов мерекемен құттықтап, сөз сөйледі. Шара соңы аудандық мәдениет орталығы өнерпаздарының концерттік бағдарламасына ұласты.
«ҚАЗАЛЫ» ақпарат
