Қазақстан шегірткеге қатысты жағдайды көршілермен бірге бақылап отыр - Бектенов
Қазақстан көршілерімен бірге шегірткеге қатысты жағдайды бақылап отырғанын премьер-министр Олжас Бектенов мәлімдеді, деп хабарлайды BAQ.KZ.Қазіргі уақытта Өзбекстан, Қырғызстан, Ресей және Қытаймен фитосанитария саласындағы ынтымақтастық туралы келісімдерге қол қойылды. Қол жеткізілген уағдаластықтар шеңберінде тұрақты онлайн-консультациялар мен шекарада бірлескен инспекция жүргізіледі. Биылғы жылдың мамыр айында Өзбекстан Республикасымен шекаралас аумақтарда мароккандық шегіртке тәрізді зиянкестердің ошақтары анықталған жоқ. Қырғызстанмен оңтүстік өңірлерге, Ресей Федерациясымен солтүстік және шығыс облыстарға мониторинг жүргізілуде. 2025 жылдың маусымына батыс және солтүстік өңірлерде бірлескен іс-шаралар жоспарланған», - делінген Бектеновтің Мәжіліс депутаттарының сауалына берген жауабында.
Негізінен карантиндік жәндіктердің көші-қон қаупін ескере отырып, мемлекетаралық мониторинг көрші елдердің ұлттық карантиндік қызметтерімен бірлесіп тұрақты негізде жылда жүзеге асырылады.
