Қазақстанда енді екі номиналды монеталар шығарылмайды
Фото: pixabay.comҚазақстанда енді 1 және 2 теңгелік монеталар шығарылмайды. Бұл туралы Stan.kz ақпарат агенттігі хабарлайды.
Бұл туралы Ұлттық банк төрағасы Тимур Сүлейменов мәлімдеді.
Ұлттық банк төрағасының айтуынша, қазір бұл монеталарды шығару тиімсіз.
"Біз 1 теңгелік монеталарды соғу тиімсіз екенімен келісеміз. Сондықтан негізгі жоспарымыз мынадай: айналымда жүрген монеталар бар және олар қолданыста қала береді. Бірақ қосымша соғу жоспарда жоқ. 2 теңгелік монеталарға да қатысты жағдай осындай. Қолданыста жүрген, қалтамызда жүрген монеталарды айналымнан алып тастамаймыз, бірақ жаңа монеталарды шығару үшін қаржы жұмсамаймыз", – деді Сүлейменов.
Еске салсақ, 2025 жылдың наурызында Қазақстанда жаңа 1000 теңгелік банкнота айналымға шыққан еді.
