Халық қалаулылары сайлаушылармен кездесуде
Жұртшылықтың сенімін арқалап, халық қалаулысы атану оңай емес. Ел өз борыштары мен міндеттерін түсінетін, халықтың мұң-мұқтажын, талап-тілектерін іске асыра алатын белсенді депутаттарға үлкен сенім артып отыр.Қазіргі таңда облыстық ,аудандық мәслихаттағы депутаттық фракция мүшелері «AMANAT» партиясының сайлауалды бағдарламасының жол картасындағы іс-шараларды жүзеге асыру мен сапалы орындалуын қадағалауға, сайлаушылармен кездесіп талап-тілектер мен ұсыныстарды тиісті орындарға депутаттық сауал ретінде жолдап оң шешім табуына, партияның түрлі бағыттағы жобаларын іске асырумен қатар халық қалаулысы ретінде атқарған жұмыстары туралы кездесулер, көшпелі қабылдаулар өткізу жұмыстарын жасап, сайлаушылардың мұң-мұқтажын, түйінді мәселелерін шешуге атсалысып келеді.
Осы орайда бүгін Қазалы пайдалану вагон депосының «Теміржолшы» бастауыш партия ұйымында облыстық мәслихат депутаты Тілеп Ибайдулла Тілепұлы, аудандық мәслихат депутаты, «Теміржолшы» бастауыш партия ұйымының төрағасы Орымбаев Арғын Қайрбайұлы сайлаушылармен кездесу жасады.
Жиын барысында халық қалаулылары алдымен атқарған жұмыстары, көтерген мәселелері, жолдаған сауалдары туралы хабардар етіп, сайлауалды бағдарлама аясында жүзеге асырылып жатқан және алда атқарылар жұмыстарды баяндады. Бұдан соң тұрғындар тарапынан түскен сұрақтарға жауап беріп, сайлаушылардың ұсыныс-пікірлерін тыңдады.
Жиын соңында БПҰ-ның қабылдау бөлмесінде азаматтардың жеке мәселелері бойынша қабылдаулар жасалып, тұрғындардың жеке мәселелері бойынша өтініштері тыңдалды.
#AMANAT
