86 мыңнан астам азаматты тартқан: 36 қаржы пирамидасының қызметі тоқтатылды
© Sputnik / Абзал КалиевҚаржылық мониторинг агенттігі жыл басынан бері жалған инвестициялық жобалар туралы ақпарат таратқан 7 мыңнан астам интернет-сайт бұғатталғанын хабарлады.
Сонымен қатар, 2025 жылдың басынан бері жалпы аудиториясы 276 мың адамды құраған Instagram* және Telegram желілеріндегі 43 заңсыз чат жабылды.
"Бұдан бөлек, 86 мыңнан астам азаматты тартқан 36 қаржы пирамидасының қызметі тоқтатылды. Сонымен қатар 19 қаржы пирамидасына қатысты 46 сотқа дейінгі тергеу аяқталды және 12,5 млрд теңге сомасына мүлікке тыйым салу арқылы келтірілген шығынды өтеу қамтамасыз етілді", - деп жазылған хабарламада.
Агенттік хабарлауынша, 2021 жылдан бері 100-ден астам қаржы пирамидасының қызметі тоқтатылған.
Қаржы пирамидасын ұйымдастырған 227 азамат нақты мерзімге бас бостандығынан айырылды.
Айта кетейік, Агенттікте қаржы пирамидаларының белгілерін тексеруге мүмкіндік беретін "Baiqa, piramida!" Telegram-боты іске қосулы.
Instagram* мен Facebook әлеуметтік желілері Ресейде экстремистік деп танылып, оларға тыйым салынған.
