Партиялық бақылау комиссиясымен атқарылған жұмыстар барысы қаралды
Бүгін «AMANAT» партиясы Қызылорда облыстық филиалы жанындағы Партиялық бақылау комиссиясының отырысы өтті. Жиында көктемгі егіс науқанына дайындық, сонымен қатар Арал және Қазалы аудандарындағы партиялық бақылау бекеттерінің жұмысы, жалпы партиялық бақылауды ұйымдастыру және ішкі партиялық тәртіпті нығайту мәселелері қаралды.Отырысқа ZOOM платформасы арқылы партия филиалының Атқарушы хатшысы Нұрғиса Жалғасбаев пен Партиялық бақылау комиссиясының төрағасы Әділбек Сарабеков қатысты. Күн тәртібіндегі екінші мәселе Партиялық бақылау комиссиясының атқарған жұмыстары жөнінде Әділбек Сербайұлы баяндама жасап, алдағы міндеттерге тоқталды.
«Өткен жылы аудандық партия филиалы жанындағы Партиялық бақылау комиссиясымен бірқатар маңызды жұмыстар атқарылды. Өткізілген 11 отырыста 21 мәселе қаралып, 92 ұсыныс тиісті мекемелерге жолданды. Сайлауалды бағдарлама аясында жүргізілген құрылыс нысандары тұрақты бақылауда болды. Сонымен қатар, аудан аумағындағы азық-түлік пен жанармай бағасына, әлеуметтік нысандардың мүмкіндігі шектеулі жандарға бейімделуіне тұрақты түрде мониторинг жүргізілді », – деді Әділбек Сербайұлы.
Сонымен қатар, комиссия төрағасы ағымдағы жылдың І тоқсанында атқарылған жұмыстарды баяндап, партиялық бақылау жұмысы алдағы уақытта да жалғасатынын атап өтті.
Жиынды қорытындылаған облыстық партия филиалының Партиялық бақылау комиссиясының төрағасы Нұркен Бақытбекұлы күн тәртібіндегі мәселелер бақылауда болатынын, сондай-ақ аталған жұмыстарға жоғары жауапкершілікпен қарау қажеттігін айтты.
#AMANAT
