Қазалыда грек-рим күресінен республикалық турнир басталды
Бүгін Қазалыда КСРО спорт шебері Аман Жарылқаған Таңжарықұлын еске алуға арналған грек-рим күресінен 2014-2015 жылдары туылған кіші жасөспірімдер арасында республикалық турнир басталды.
Турнирдің ашылу салтанатында аудан әкімінің орынбасары Жәнібек Алиев сөз сөйлеп, жас спортшыларға сәттілік тіледі.
Сондай-ақ спортшының ағасы Жарылқасын Аман мен бірге күрескен досы Дәстен Айбосынов сөз сөйлеп, Жарылқаған Таңжарықұлы туралы естеліктермен бөлісті.
Айта кету керек, республикалық турнирде Ақтөбе, Атырау, Тараз, Қызылорда, Шалқар, Арал қалаларынан, Сексеуіл кентінен және Қазалы ауданынан 250 спортшы бақ сынауда.
