Астанадағы аялдамада жер опырылып, қала тұрғыны зардап шекті
Фото: t.me/astanovka98Оқыс оқиға Керей-Жәнібек хандар көшесіндегі «Қобыз» сарайының маңындағы аялдамада болған, деп хабарлайды Egemen.kz.
Қалалық Қоғамдық денсаулық сақтау басқармасы зардап шеккен тұрғынға алғашқы медициналық көмектің көрсетілгенін мәлімдеді.
«Жедел жәрдем бригадасы оқиға орнында алғашқы көмек көрсетті. Алайда, пациент ауруханаға жатудан бас тартты», делінген хабарламада.
Жергілікті инфрақұрылымға жауапты «Астана су арнасы» мекемесі де жағдайға түсініктеме берген. Олар 26 мамырда D-1000 мм диаметрлі кәріз коллекторы маңында жер қабаты шөгіп, ойық пайда болғанын хабарлады.
«Ойықтың түбінде су жиналып қалған. Оқиға орнына біздің мамандар жедел жетіп, қауіпсіздік шараларын қолға алды. Қазір техникалық зерттеу жұмыстары жүріп жатыр», деді мекеме өкілдері.
