ТАЗА БЕЙСЕНБІ: ПАРТИЯЛАСТАР ТАБИҒАТ ТАЗАЛЫҒЫНА ҮЛЕС ҚОСТЫ
Мемлекет басшысының «Таза Қазақстан» жалпыұлттық бастамасы аясында «AMANAT» партиясымен әр апта сайын ұйымдастырылатын «Таза бейсенбі» экоакциясы бүгін Қазалы ауданында жалғасты.Партия филиалына қарасты бастауыш партия ұйымдарының өкілдерімен ұйымдастырылған тазалық шарасында Әйтеке би кентіндегі автодром маңы мен «Әйтеке би - Басықара» аудандық маңыздағы автомобиль жолының жиегін қамтылды. 30-ға жуық белсенді аманаттықтар аталған аумақтардағы қоқыстарды теріп, нәтижесінде 1 тоннаға жуық қоқысты арнайы орынға шығаруға атсалысты.
Игі шараға қатысушы, «Теміржолшы» бастауыш партия ұйымының белсенді мүшесі Өркен Наурызбаев тазалық акциясына тұрақты түрде қатысып жүргенін атап өтті.
«Экологиялық мәдениетті қалыптастыруға бағытталған партияның «Таза бейсенбі» акциясына тұрақты түрде қатысып келемін. Әр азамат қоршаған ортаға жанашырлықпен қарап, тазалыққа атсалысуы керек, сонда ғана біз таза әрі жайлы өмір сүруге қолайлы орта қалыптастыра аламыз. Бұл тек бір күндік іс емес, күнделікті өмір салтымызға айналуы тиіс», — деді ол.
#AMANAT
