38 градусқа дейін ысиды: алдағы үш күнге ауа райы болжамы
Фото: istockphoto.com Алдағы күндері республиканың ауа райына циклондық белсенділік әсер етеді.
Қазгидромет" РМК алдағы үш күнге ауа райы болжамын жариялады, – деп хабарлайды Aikyn.kz.
Синоптиктердің 20, 21 және 22 мамырға арналған болжамына сәйкес, республика бойынша ауа температурасы тез көтеріледі, жаңбыр жауып, найзағай ойнайды.
Алдағы күндері республиканың ауа райына циклондық белсенділік әсер етеді. Күн күркіреп, бұршақ жауып, екпінді жел, бұрқасын болады.
Тек шығыста, 20-21 мамырда еліміздің оңтүстігі мен оңтүстік-шығысында ауа райы құрғақ болады деп болжанып отыр.
20 мамырда түнде Батыс Қазақстанда, 22 мамырда күндіз Ақтөбе облыстарында нөсер жаңбыр жауады.
Республиканың оңтүстігі мен оңтүстік-шығысында шаңды дауыл соғады. Республиканың оңтүстік-батысында және шығысында тұман түседі.
• республиканың батысында және солтүстік-батысында күндізгі ауа температурасы +18+28°С-тан +15+25°С-қа дейін төмендейді;
• республиканың солтүстігінде – күндіз +20+26°С-тан +20+29°С-қа дейін көтеріледі;
• орталықта, елдің шығысында – +20+28°С-тан +22+33°С-қа дейін көтеріледі;
• оңтүстікте – +25+35°С-тан +28+38°С-қа дейін жоғарылайды;
• оңтүстік-шығыста – +22+30°С-тан +30+38°С дейін көтеріледі.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
