Бұршақ жауып, жел күшейеді: алдағы үш күнге арналған ауа-райы болжамы

Сурет: priroda.club
Алдағы үш тәулікте Республиканың басым бөлігінде жаңбырлы ауа райы күтіледі, деп хабарлайды KYN.KZ ақпарат агенттігі.

Синоптиктердің болжауынша, жауын-шашынды күн райына еліміздің көп өңірінің циклонның ықпалында болуы әсер етеді.

16-17 шілдеде Қазақстанның солтүстігінде, оңтүстік-шығысында, орталығында, 17-18 шілдеде солтүстік-батыста, оңтүстікте жаңбыр жауып, найзағай ойнайды.

Еліміздің шығыс аймағында да жауын-шашын күтіледі. Бұршақ жауып, жел күшейеді деп болжанып отыр.

Республиканың батысында күндізгі ауа температурасы +25 +36°С, солтүстік-батысында +25+30°C болуы мүмкін.

Қазақстанның оңтүстігінде ауа температурасы +27+37°С, оңтүстік-шығысында +25+35°С, солтүстікте, орталықта +21+30°С, шығысында +23+32°С дейін ысиды.