Облыстық партия филиалының төрағасы қоғамдық қабылдау өткізді
Бүгін «AMANAT» партиясы Қызылорда облыстық филиалының төрағасы Алмасбек Есмаханов Қазалы ауданындағы жұмыс сапарында Қазалы локомотив жөндеу зауытында орналасқан «Қазалы ЛЖЗ» бастауыш партия ұйымында қоғамдық қабылдау өткізді.Қабылдауға келуші локомотив депосы орналасқан Михайлюк көшесінің жолын жөндеу мәселесін көтерді. Аталған көше өндірістік орынның тасымал бағытында маңызды рөл атқаратынын атап өтті. Сонымен қатар, сол аумақтағы интернет байланысының әлсіздігіне байланысты оны жақсарту жөнінде ұсыныс білдірді.
Өз кезегінде Алмасбек Әбілқасымұлы көтерілген мәселелердің шешілу жолдарын жергілікті партия өкілдерімен бірлесе қарастырды. Түсіндірме жұмыстарын жүргізіп, өз бақылауына алып, оң шешілуіне жұмыс жасайтынын айтты.
#AMANAT
