НЫСАННЫҢ ЕРЕКШЕ ҚАЖЕТТІЛІГІ БАР АЗАМАТТАРҒА БЕЙІМДІЛІГІ ЗЕРДЕЛЕНДІ
Бүгін «AMANAT» партиясының «Кедергісіз келешек» жобасы аясында аудан орталығындағы бірқатар әлеуметтік нысандарда ерекше қажеттілігі бар азаматтарға қолайлы жағдай жасау бағытында мониторинг жұмыстары жүргізілді.Зерделеу жұмыстарына «AMANAT» партиясы Қазалы аудандық филиалының сарапшысы Алтынай Кенжалиева және аудандық жұмыспен қамту және әлеуметтік бағдарламалар бөлімінің мүгедектермен жұмыс секторының меңгерушісі Мерей Тілеубай қатысты.
Мониторингтік топ Қорқыт ата атындағы аудандық өнер мектебіне барып, мекеменің мүмкіндігі шектеулі азаматтарға арналған бейімдеу талаптарына сәйкестігін қарады. Зерделеу нәтижесінде талаптардың орындалғаны анықталды, сондай-ақ қосымша бірқатар жабдықтарды орнату қажеттігі туралы түсіндірме жұмыстары жүргізілді.
#AMANAT
