Руханият орталығының құрылысы аяқталуға жақын
Мемлекет басшысының «Адал адам» мәдени-тәрбие орталығы тұжырымдамасын іске асыру мақсатында 2024 жыл облысымызда «Руханият жылы» деп жарияланған болатын. Осы бағытта облыс әкімінің қолдауымен өңірдің барлық аудандарында «Руханият» орталықтарының құрылысы басталған болатын. Ал, Қазалы ауданында басталған «Руханият» орталығының құрылысы жуық арада толықтай аяқталып, мамыр айында аудан халқының игілігіне пайдалануға беріледі.Жалпы жоба құны 1.7 млрд. теңгені құрайды. Құрылыс жұмыстарын жүзеге асырушы мердігер мекеме – «АСАР» жауапкершілігі шектеулі серіктестігі.
Алдағы уақытта зманауи ғимаратта музей, кітапхана, мұрағат, неке қию залы, ардагерлер және аналар кеңесі, жастар орталықтары, азаматтық қоғам өкілдері мен тарихи-мәдени, рухани ұйымдар орналастырылатын болады. Бұл орталық аудан тұрғындарының рухани дамуына, ұлттық мәдени құндылықтарды дәріптеуге және тарихи-мәдени мұраларды сақтауға зор ықпал ететін маңызды нысанға айналмақ.
«ҚАЗАЛЫ» ақпарат
