Зеленский Трампқа жауап берді: Қырым – Украина жері және бұл Конституциямен бекітілген
Foto: DER SPIEGELТрамп бұл мәлімдеме бейбіт келіссөздерге кері әсер етеді деді
Украина президенті Владимир Зеленский АҚШ президенті Дональд Трамптың Қырым туралы мәлімдемесіне жауап беріп, Украинаның аумақтық тұтастығы мен Конституциялық ұстанымдарын тағы бір мәрте нақтылады. Бұл туралы ол әлеуметтік желідегі парақшасында жазды, деп хабарлайды Azattyq Rýhy.
«Украина Қырымның заңсыз аннексиясын ешқашан мойындамайды. Бұл – біздің Конституциямыздан тыс. Бұл – Украина халқының жері», – деді Зеленский.
Президенттің айтуынша, Украина ешқандай аумақтық ымыраға бармайды және Қырым мәселесі талқылауға жатпайды.
Зеленский өз мәлімдемесіне 2018 жылы АҚШ-тың бұрынғы мемлекеттік хатшысы Майк Помпео қол қойған Қырым декларациясының суретін тіркеді. Бұл құжатта АҚШ Қырым аннексиясын заңсыз деп танығаны жазылған.
Өз кезегінде, Дональд Трамп Truth Social желісіндегі жазбасында Зеленскийдің Қырымға қатысты мәлімдемесін сынап, бұл бейбіт келіссөздерге кедергі келтіретінін айтты.
«Қырымды бұрыннан, Обаманың кезінде жоғалтып алған. Егер Зеленский Қырымды қаласа, неге оны 11 жыл бұрын қорғамады?», – деді Трамп.
Ол сондай-ақ мұндай «арандатушы мәлімдемелер» соғысты тоқтатуды қиындатады деп бағалады.
Зеленский Лондонда өткен бес елдің (Украина, АҚШ, Ұлыбритания, Франция және Германия) кездесуінде Украина тек соғысты тоқтату шарттарын талқылайтынын, ал территориядан бас тарту күн тәртібінде жоқ екенін нақтылады.
