Кезекті тақырыптық қабылдау өтті
«AMANAT» партиясы Қазалы аудандық филиалының қоғамдық қабылдау бөлмесінде жұмыспен қамту және әлеуметтік мәселелерге арналған тақырыптық қабылдау өтті. Іс-шараға аудандық жұмыспен қамту және әлеуметтік бағдарламалар бөлімінің басшысы Совет Бабанаев пен аудандық Мансап орталығының маманы қатысты.Қабылдауға келген жас маман қоғамдық негізде жұмыс істейтінін айтып, өз мамандығы бойынша тұрақты жұмысқа орналасуға көмек сұрады. Ал тағы бір азаматша қосымша оқу курстарына қатысу мүмкіндігі туралы білгісі келді.
Қабылдаушы тұлғалар жұмыссыздық мәселесімен жүгінген жас маманға заң аясында түсіндірме беріп, enbek.kz порталында жарияланған бос жұмыс орындары туралы ақпаратпен бөлісті. Ал оқу курстарына қызығушылық танытқан азаматшаға қолжетімді курстар жөнінде айтып, басталуы қосымша хабарланатыны айтылды.
#AMANAT
