Ауыз су үшін арнайы есептегіш құралы жоқ қазақстандықтар суға екі есе көп төлейтін болады
Ауыз суы үшін арнайы есептегіш құралдары жоқ қазақстандықтар суға екі есе жоғары тариф бойынша төлейтін болады. Бұл туралы Stan.kz ақпарат агенттігі хабарлайды.
Фото: depositphotos.com
Бұл туралы су ресурстары және ирригация министрі Нұржан Нұржігітов мәлімдеді.
"Егер арнайы есептегіш құрылғы болмаса, азамат ауыз су үшін екі есе жоғары тарифпен төлейтін болады", – деді Нұржігітов Су кодексі бойынша талқылау барысында.
Оның айтуынша, халық төрт топқа бөлінген.
"Норматив бойынша айына 3 текше метр су тұтынатын азаматтар тариф бойынша төлейді. Егер азамат 3-5 текше метр су қолданса, тариф 20%-ға өседі. 5-10 текше метр су тұтынған жағдайда тариф 50%-ға артады. Ал егер азамат 10 текше метрден көп су пайдаланса, тариф екі есе жоғарылайды", – деді Нұржігітов.
