"Ғасыр куәсі" жобасы
Қазақстан АКСР–нiң астанасы Орынбордан Қызылордаға көшiрiлгеніне 100 жыл толуына орай Өңірлік коммуникациялар қызметі "Ғасыр куәсі" жобасын бастады. Орталықтың маманы Арман Келдібаевтың хабарында Қызылорда астана болған жылдары халық игілігіне жұмыс істеген тарихи нысандар мен мекемелерді таныстыратын болады. Алғашқы шығарылым 1905 жылы салынған архитектуралық тарихи мұра - Ақмешіт музейіне арналды.Музей 1917 жылы әскери казарма болған ғимарат қалпына келтіріліп, пайдалануға берілді. Экспозицияда Қызылорда қаласының 1925-1929 жылдары аралығында Қазақ АКСР-нің астана болған кезеңіндегі архивтік құжаттар, еліміздің маңызды саяси оқиғасы болып табылатын Қазақ атауының қайтарылуы, қалада қызмет еткен Алаш қайраткерлері, қазақтың ұлттық театрының негізін қалауға ат салысқан тұлғалар және денсаулық, білім, әлеуметтік-экономикалық саласының дамуынан ақпарат береді.
Өңірлік Коммуникациялар Қызметі
