2025 жылы кірістер мен мүлік туралы декларацияны кім тапсырады?
Фото: pixabay.com
Қазалы ауданы бойынша Мемлекеттік кірістер басқармасы 2025 жылғы 1 қаңтардан бастап 270.00 нысаны бойынша кірістер мен мүлік туралы декларацияны ұсыну міндеті сақталатынын хабарлайды:
* мемлекеттік қызметшілер және оларға теңестірілген адамдар (оның ішінде квазимемлекеттік сектордың басшылары мен құрылтайшылары) және олардың жұбайлары;
* банктердің, бағалы қағаздар нарығының, сақтандыру ұйымдарының ірі қатысушылары және олардың жұбайлары;
* коммерциялық ұйымдардың басшылары мен құрылтайшылары (қатысушылары) (АҚ-да дауыс беретін акциялардың 10% - дан астам және одан да көп үлесі) және олардың жұбайлары;
* жеке практикамен айналысатын тұлғалар;
* шетелде мүлкі бар тұлғалар (240.00-нысанды ұсыну тәртібіне ұқсас);
* ЖК табысын қоспағанда, өз бетінше салық салынатын табыс алған тұлғалар;
* ҚР-да және одан тыс жерлерде жиынтық құны 20 000 АЕК-тен асатын ірі мүлікті сатып алған тұлғалар.
С.ӨТЕГЕНОВ,
Қазалы ауданы бойынша
Мемлекеттік кірістер басқармасының бас маманы
