Студенттер мен магистранттар қанша стипендия алады?
Сурет: Gov.kzҚазақстанда студенттер мен магистранттардың стипендия мөлшері белгілі болды, деп хабарлайды aqshamnews.kz.
2023 жылдың 1 қыркүйегінен бастап Қазақстанда студенттер, магистранттар және докторанттар үшін стипендия мөлшері қайта қаралды. Жаңа мөлшерлемелер келесідей:
Докторанттар – 262 500 теңге;
Магистранттар – 117 098 теңге;
Педагогикалық және медициналық бағыттағы студенттер – 84 000 теңге;
Басқа мамандықтар бойынша студенттер – 52 372 теңге;
Техникалық және кәсіптік білім беру саласындағы жұмысшы біліктіліктері бойынша оқитындар – 41 896 теңге.
Стипендиялар студенттердің екінші деңгейлі банктердегі жеке шоттарына немесе ұлттық пошта операторы арқылы аударылатын болады.
Бұл жаңалық білім алушылардың қаржылық қолдауын жақсарту мақсатында жасалған маңызды қадамдардың бірі болып табылады.
