Бұл ауылда адамдар бақытты, бір-біріне көмектесіп, ынтымақтастықта өмір сүрген екен. Бірақ бір күні ауылға жұмбақ бөтен адам келіп, жұртқа белгісіз зат ұсына бастапты. Ол затты «бақытқа апаратын жол» деп атаған екен. Алғашқыда ауыл тұрғындары бұл заттың не екенін түсінбеді. Бірақ бір-бірден қызығып, оны байқап көре бастады. Оны қолданған адамдар алғашында ерекше сезімге бөленіп, көңілді бола бастаған. Бірақ уақыт өте келе олар әлсіреп, ешнәрсеге зауқы болмай, тек сол затты іздеумен әуре болды. Бұл заттың есірткі екенін кейін түсінді. Ауылдың ең дана ақсақалы сол заттың ауылды құрдымға апаратынын түсініп: - Балаларым, бұл улы зат! Ол сендерді бақытты емес, керсінше, құл етеді. Бүгінгі қуаныштарың –ертеңгі қайғы болады. Бұл ауылдың бірлігі мен болашағын бұзар -деді. Ақсақалдың сөзіне құлақ асқан кейбір тұрғындар есірткіні тастап, өмірлерін қайтадан қалпына келтірді. Бірақ кейбіреулері құлақ аспай, сол жылда өз өмірлерін жоғалтты. Ауылдың жастары бұл оқиғадан сабақ алып, ендігәрі зиянды әдеттерден аулақ болуды ұйғарды. Олар ауылда есірткіге қарсы күрес жүргізіп, барлығына оның зиянын түсіндіріп, денсаулық пен білімнің ең үлкен байлық екенін ұқты. Содан бері бұл ауылда есірткі атаулыға жол берілмей, тек дені сау, бақытты өмір сүрген екен.

Б.Әбдіразақов атындағы №88 орта мектебінің

5 «Б» сынып оқушысы