Әзербайжан президенті Ресейге шүйлікті
Әзербайжан президенті Ильхам Әлиев Баку-Грозный бағыты бойынша ұшқан AZAL ұшағының жолаушыларының өліміне қатысты Ресей өкілдерін айыптап, мәлімдеме жасады, деп хабарлайды Bugin.kz порталы.Қайтыс болғандардың жақындарымен және аман қалған экипаж мүшелерімен кездесуде ол әуе кеңістігін жабуға бағытталған «Кілем» операциясы ұшақ апатқа ұшырағаннан кейін ғана жарияланғанын атап өтті.
“Егер әуе кеңістігінде қауіп туындаса, оны дереу жабу қажет. Бұл барлық елдерге ортақ тәжірибе. Неліктен экипажға алдын ала ескертпеді? Неліктен әуе кеңістігі уақытында жабылмады? Бұл сұрақтарға тергеу жауап беруі керек”, - деді Әлиев.
Сондай-ақ, ол қайғылы оқиғадан 10 күн бұрын Грозный маңында болған осыған ұқсас жағдайды еске салды. Ол кезде AZAL ұшағы қауіп-қатерге байланысты кері қайтқан болатын. Енді Әзербайжан президенті Ресейдің кінәлілерді ьез арада жауапқа тартуын талап етуде.
