2024 жылы көркем гимнастикада қандай жетістіктер тіркелді

фото: «Қазақстандық гимнастика федерациясы» ҚБ

Көркем гимнастикадан Астана қаласының алар орны ерекше. Оған дәл осы спорт түрінен ең көп 20-ға жуық мектептің елордамызда ашылуы себеп. Осы орайда Elordainfo.kz көркем гимнастикадан 2024 жылдағы басты жетістіктерге тоқталғанды жөн көрді.

Басты жетістіктер:

⁃ Ұзақ жылдардан кейін Астана қаласына FIG ALEM CUP халықаралық турнирін өткізу мәртебесі берілді.

⁃ Мажарстандағы Gracia Fair Cup халықаралық додасында Айбота Ертайқызы доп, лента, шығыршықта қарсылас шақ келтірмесе, Эрика Жайлауова шеңбер сайысында үздік атанды.

⁃ Көктемде Ташкентте (Өзбекстан) өткен лицензиялық Азия чемпионатында Айбота Ертайқызы лента жаттығуында топ жарса, доп сайысында - күміс, шеңбер сайысында қола жүлде жеңіп алды.

⁃ Болгарияда өткен Sofia Cup халықаралық турнирінде Эрика Жайлауова көпсайыстан қола жүлдеге ие болды.

⁃ Айбота Ертайқызы Францияда ұйымдастырылған гран-при кезеңінде лента және шеңбер сайысында күміс, доп жаттығуында 3-орынға тұрақтады.

⁃ Ақбота Ерекешева Грекияда өткен «Афродита кубогы» халықаралық бәсекесінде топ жарды.

⁃ Якутияда өткен VII Азия балалары ойындарында №1 балалар мен жасөспірімдердің мамандандырылған олимпиадалық резерв спорт мектебінің тәрбиеленушісі, талантты Ақмарал Ерекешева көпсайыста күміс медаль және лента мен шығырғшық жаттығуында қола жүлдеге ие болды.

⁃ Ұлттық құрамаға ең көп көркем гимнасшы Астана қаласынан кірген.