Бастауыш партия ұйымында қабылдау өткізді
Бүгін аудандық партия филиалының төрағасы, аудандық мәслихаттың төрағасы Ғазиз Әліш «Қ.Сәтбаев» бастауыш партия ұйымында азаматтарды жеке мәселелерімен қабылдады.
Қабылдауға келген тұрғындар өздерін толғандырып жүрген мәселелері бойынша ұсыныстарын жеткізді. Т.Әубәкіров көшесін жарықтандыру мен №226 мектеп-гимназиясының алдын жарықтандыру және көлік кептелісін болдырмау бойынша ұсыныстар түсті.
Ғазиз Әлмәмбетұлы қабылдау жұмыстары сайлаушылармен тікелей байланыс орнатуда және олардың мәселелерін шешуде маңызды құрал екенін атап өтті. Мұнан соң әрбір мәселені мұқият тыңдап, тұрғындардың сұрақтарына толық жауаптар берді. Ұсыныстардың оң шешілу жолдарын жіті қарастырып, тиісті шаралар қабылданатынын жеткізді.
#AMANAT
