2024 ең ыстық жыл ретінде тіркелді
Биыл орташа жаһандық температура аномалиясы 1991-2020 жылдардағы орташа температурадан 0,72 градусқа жоғары болды, деп жазады Анадолы.
Фото: АнадолыЕуропалық Одақтың (ЕО) Copernicus спутниктік мониторинг жүйесінің мәліметі бойынша, 2024 жыл рекордтық дәрежеде «ең ыстық жыл» болды.
Мәліметтерге сәйкес, өткен ай «екінші ең жылы қараша» болған және жер бетіндегі ауаның орташа температурасы 14,10 градусты құраған.
Бұл 1991-2020 жылғы қарашадағы орташа көрсеткіштен 0,73 градусқа жоғары.
2024 жылдағы орташа жаһандық температура аномалиясы (қаңтар-қараша айларында) 1991-2020 жылдардағы орташа температурадан 0,72 градусқа жоғары болған. Бұл көрсеткіш 2023 жылдың сәйкес кезеңінен 0,14 градусқа жылы болғанын көрсетті.
Осылайша, «2024 жыл тарихтағы ең ыстық жыл болады» деген болжам расталды.
Copernicus Climate Change Service (C3S) директорының орынбасары Саманта Берджесстің айтуынша, 2024 жыл рекордтық ең ыстық жыл болумен қатар жаһандық температураның көтерілуі 1,5 градустан асқан бірінші жыл болып отыр.
Сонымен қатар Берджесс «климатты қорғауға бағытталған шараларды қабылдау өте маңызды» екенін қоса кетті.
Осыған дейін климаттың өзгеруі бүкіл әлемдегі дауылдың жылдамдығын орташа есеппен 29 км/сағ-қа арттыратынын жазған едік.
