Елімізде жыл сайын 100-ден астам әйел зорлық-зомбылықтың құрбанына айналуда
Фото: © istockphoto.comБұл туралы Ішкі Істер министрлігіне қарасты қоғамдық кеңес мүшесі Майра Тойкебаева арнайы форумда мәлімдеді. Айтуынша, аталған статистика ай сайын өсіп, ушығып барады, деп хабарлайды Azattyq Rýhy 24KZ телеарнасына сілтеме жасап.
Бұған басты себеп қоғамдық стереотип пен ер-азаматтардың өзгелерге немқұрайлы қарауы - дейді. Ол бұл мәселені шешудің бірнеше жолын ұсынды.
«Көбінесе арақ ішетін алкоголизм, лудомания, наркомания, жұмысы жоқ еркектер басты себеп. Сол еркектерге ең бірінші психологиялық көмек жасау. Біздің еркектер көбінесе психологқа барғысы келмейді. Толық отбасымен жұмыс істеу керек. Еркекпен де, әйелмен де және балалармен. Өйткені балалардың 90 пайызы отбасында көрсе өскенде агрессор немесе соның құрбаны болып шығады», - деді ҚР ІІМ қоғамдық кеңесінің мүшесі Майра Тойкебаева.
