Референдум: Қазалыда жас жұбайлар бірге таңдау жасады
Абай ауылындағы №90 референдум учаскесінде бүгін ғана отау құрған Қылышбай Қуаныш пен Шайхыслам Гүлназия саяси науқаннан қалыс қалмай өз таңдауларын жасады.
Жас жұп бұған дейінгі өткен саяси науқандарға белсенді қатысып, өз таңдауларын жасаған.
– Президент Жолдауында айтылғандай атом электр станциясын салудың еліміздің әлеуметтік-экономикалық дамуы үшін маңызы жоғары. Референдум болатынын естігенде біз міндетті түрде қатысамыз деп бірге шешім қабылдадық. Бұл біздің азаматтық борышымыз, – деп атап өтті Қуаныш.
Айта кетейік, Махашевтар әулеті жас жұбайларлардың тойларын бүгін тойлауда. Ауыл жастарының бұл тарихи сәттен қалыс қалмауы аудан тұрғындарының белсенділігін байқатады.
