Тоқаев ІІМ мен ҰҚК-де ауыс-түйіс жасады
фото: Halyq UniҚасым-Жомарт Тоқаев Ішкі істер министрлігі мен Ұлттық қауіпсіздік комитетінде кадрлық ауыс-түйіс жасады, деп хабарлайды Halyq Uni.
Ақорда мәліметінше, Мемлекет басшысының өкімімен Еркін Советбекұлы Ботақанов Ішкі істер министрінің орынбасары – Ұлттық ұланның бас қолбасшысы лауазымынан босатылды.
Президент өкімімен Аңсаған Скендерұлы Балтабеков Ішкі істер министрінің орынбасары – Ұлттық ұланның бас қолбасшысы лауазымына тағайындалды, – делінген ақпаратта.
Бұған қоса, Бақытбек Төлешұлы Рахымбердиев Ұлттық қауіпсіздік комитеті төрағасының орынбасары – Терроризмге қарсы қызметінің бастығы лауазымына тағайындалды.
