Тасқыннан зардап шеккен 7 393 отбасына жаңа баспана берілді
Мемлекет басшысының тапсырмасы бойынша Үкімет су тасқыны салдарын жою және зардап шеккендердің баспанасын қалпына келтіру жұмыстарын жүргізіп жатыр.Тасқыннан зардап шеккен 7 393 отбасына жаңа баспана берілді
Биылғы 6 қыркүйектегі жағдай бойынша 7 393 отбасы зақымданған мүлкінің орнына жаңа үй мен пәтер алды. Оның ішінде 5 313 нысан сатып алынды, 2 080 үй салынды.
Барлық 9 147 өтініш берушіге жалпы сомасы 53,5 млрд теңгеге тұрғын үйді жөндеуге, қалпына келтіруге өтемақы берілді. Сонымен қатар 34 247 отбасына 12 627,7 млн теңгеге 100 АЕК мөлшерінде біржолғы өтемақы төленді. Шығын болған заттарын сатып алу үшін 9 994 млн теңгеге 21 880 отбасына 150 АЕК-ке дейінгі көлемде қосымша төлем берілді.
