Сайлау округі бойынша тұрғындардың талап-тілегін тыңдады
Бүгін №2 сайлау округі бойынша аудандық мәслихат депутаты, «AMANAT» партиясы фракциясының мүшесі Талғат Әліпбаев партия филиалына қарасты «Қазалы Келешек» бастауыш партия ұйымында сайлаушыларының өтініштері мен талап-тілектерін тыңдады.Жеке қабылдауда болған тұрғындар Әйтеке би кентінің 5 кваратал аумағындағы бірқатар көшелердің жол белгілерін жаңарту немесе жөндеу, теміржол өткелдерінің орнына аспалы көпір салу сынды мәселелерді айтты.
Өз кезегінде халық қалаулысы теміржол өткелін салу қомақты қаржыны талап ететіндігін айтып, дегенмен жасалуы қажет жұмыстардың қатарында екенін атап өтті. Сондай-ақ басқа да сауалдар бойынша тиісті мекемелермен бірлесе жұмыс жасайтындығын жеткізді.
