Үкімет кәсіпкерлерге қатысты жағымды жаңалық хабарлады
Фото: depositphotos.comЖоғары технологиялық өнім шығаратын кәсіпкерлер ұзақ мерзімге арзандатылған несие ала алады, - деп хабарлайды Tengrinews.kz.
"Жақында өндірістің технологиялық күрделілігіне байланысты мемлекеттік қолдаудың сараланған тетіктерін енгізу жоспарланып отыр. Жоғары технологиялық дайын өнім шығаратын кәсіпкерлер үшін қолдау шаралары ұзақ мерзімге арзандатылған несиелерді қамтитын болады", - делінген Үкімет сайтында.
Бұл тетіктер кәсіпті мақсатты және тиімді қолдауға мүмкіндік береді деп болжанып отыр.
Үкіметтің мәліметінше, 2024 жылдың бірінші жартыжылдығында жалпы сомасы 566 миллиард теңгеге 8 624 жобаға субсидиялар берілді, ал кепілдіктермен 178,9 миллиард теңгеге 5 381 жоба қамтылды.
