Партияның “Кедергісіз келешек” жобасы бірнеше жылдардан бері сәтті іске асырылуда. "Кедергісіз келешек" жобасының мақсаты- мүгедектігі бар азаматтарға қолайлы орта қалыптастыру, олардың өмір сүру сапасын жақсартуға бағытталған шаралар және оларды қолдау.

Мониторинг барысында кәсіпкерлік нысандардың талапқа сай келмейтіндігі анықталып, кемшіліктерді жою жөнінде жауапты азаматтарға ескертулер беріліп, түсіндірме жұмыстары жасалды.

Айта кетейік мониторинг жұмыстарына аудандық жұмыспен қамту және әлеуметтік бағдарламалар бөлімінің және аудандық партия филиалының өкілдері қатысты.

Кәсіпкерлік нысандардың мүгедектігі бар жандар үшін бейімділігін зерделеу жұмыстары жалғаса беретін болады.

#AMANAT