"Кедергісіз келешек" жобасы аясында зерделеу жұмыстары жүргізілді.
Бүгін "Кедергісіз келешек" партиялық жобасы аясында бірқатар білім беру ұйымдарындағы мүгедектігі бар жандар үшін жасалған жағдайлармен танысу мақсатында мониторинг жұмыстары жүргізілді. "Кедергісіз келешек" жобасының мақсаты мүгедектігі бар азаматтарға қолайлы орта қалыптастыру, оларды қолдау.Мониторинг барысында әлеуметтік инфрақұрылым нысандарындағы пандус, қызметкерлерді шақыру қоңырауы, мүгедектігі бар жандарға арналған автотұрақ, бағыттаушы тактильді жолақтар, кедергіні ескертетін тактильді плиткалар, брайль әріптерімен жазылған тактильді ақпараттық тақташа, бағыттаушы белгілер, мүгедектерді қабылдайтын орындардың заңдылыққа сәйкес болуы жайында түсіндірме жұмыстары жүргізілді.
Осыған орай, мониторинг барысында мекеме басшыларына талапқа сәйкес келмейтін нысандар бойынша ескертулер жасалып, анықталған олқылықтарды тез арада ретке келтіру бойынша ұсыныстар айтылды. Мониторинг жұмыстары жалғасатын болады.
#AMANAT
