Ал Үндістанда ыстықтан 200 адам көз жұмды. Дәрігерлер олардың саны алдағы уақытта 25 мыңға жетуі мүмкін дейді. Бұл мемлекетте ауа температурасының жоғарылауы наурыз айында байқала бастаған. Сол кездің өзінде сынап бағанасы 50 градусты көрсеткен еді.

"Кейінгі 12 ай ең ыстық уақыт болды. Мұндай жағдай бұрын болған емес. Бұл оқиғаға бей-жай қарауға болмайды. Сақтық қажет", - дейді Климаттық өзгеріс қызметінің директоры Карло Буонтемпо.

Америкалық синоптиктер жергілікті тұрғындарға "өмірге аса қауіпті аптап ыстық келе жатыр" деп қазірден дабыл қағуға кіріскен. Метеорологтар 34 млн тұрғынның өмірі мен денсаулығына қауіп төнуі мүмкін екенін айтады. Олардың дәл бұлай даурығуына себеп бар. Былтыр АҚШ-та кейінгі 45 жылдағы ең жоғары температура тіркеліп, ыстықтан 2300-ден адам ажал құшқан еді.

"Климаттық өзгеріс деген осы. Қорқыныштысы, ең сорақы жағдай енді басталады. Жаһандық жылыну аяқталды. Жаһандық қайнау басталды", - дейді БҰҰ бас хатшысы Антониу Гутерриш.