Синоптиктердің болжауынша, еліміздің басым бөлігінде найзағай ойнап, күн райы бұзылады.

    "Оңтүстік циклон және онымен байланысты жылжыған атмосфералық фронтальды бөліктерге байланысты ҚР аумағының басым бөлігіне найзағай ойнап, жаңбыр жауады, еліміздің солтүстік-батысында, солтүстігінде, оңтүстігінде, оңтүстік-шығысында қатты жаңбыр жауады, бұршақ түседі, қатты жел тұрады деп күтіледі. Республикамыз бойынша желдің күш алу құбылысы тән, елдің оңтүстігінде шаңды дауыл тұрып, солтүстік-батыс, солтүстік өңірде тұман болады", - делінген "Қазгидромет" РМК хабарламасында.

Қарағанды облысының оңтүстігінде, орталығында, Атырау облысының солтүстік-батысында, шығысында, Қызылорданың орталығында, Батыс Қазақстан облысының батысында, Шығыс Қазақстан облысының оңтүстік-шығысында, Түркістан облысының шөлейтті аудандарында өрт қаупі жоғары, Шығыс Қазақстан облысының солтүстік-батысында, Абай облысының орталығында өрт қаупі жоғары.

Абай облысының оңтүстігінде төтенше өрт қаупі сақталады.