Елімізде екі өзен қауіпті деңгейден асып кетті
Фото: Ашық дереккөзденОралдағы екі өзен қауіпті деңгейден асып кеткен, деп хабарлайды Bugin.kz порталы. БҚО әкімдігі Шаған және Деркөл өзендері туралы мәлім етті.
Шаған мен Деркөл өзені максималды деңгейде бір арнада тоғысты. Жайық өзенінің көтерілуі және екі өзеннің тоғысуы судың ағыспен кетпей, сыртқа шығуына алып келді. Осының салдарынан өзен сулары арнаға сыймай, Орал қаласындағы Самал шағын ауданына жайыла бастады. Қазіргі уақытта Самал шағын ауданының тұрғындарын қауіпсіз жерлерге, эвакуациялық пункттерге көшіру жүргізілуде. Төтенше жағдайлар мен коммуналдық қызмет мамандары жұмыс істеуде, - делінген әкімдік таратқан ақпаратта.
БҚО әкімі Нариман Төреғалиев аудандарға барып, жағдайды жіті бақылауда ұстап отырғанын айтты.
